Մեր գաղութի մշակութային կեանքին մօտէն-հեռուէն հետեւողը վստահաբար անխառն ուրախութեամբ կը նկատէ, որ քանի մը տարիէ ի վեր, Համազգայինի Թատերական միաւորը մնայուն աւանդութիւն մը ստեղծած է ու ճիգ չի խնայեր զայն դէպի վերելք առաջնորդելու։ Միաւորը տարին թատերական գոնէ մէկ գործ բեմ կը հանէ՝ հիմնական հասցէ ունենալով մանուկներն ու պատանիները, դպրոցական աշակերտները, անոնց մէջ սերմանելու համար թատերական մշակոյթի սէրն ու յանձնառութիւնը։ Երէցները անմասն չեն։
Փետրուարի կէսերուն, միաւորը բեմ հանեց «Տէրն Ու Ծառան» խորագրեալ երգախառն ու ծիծաղաշարժ գործ մը, որ հիմնուած է Յովհաննէս Թումանեանի նոյնանուն պատմուածքին վրայ, ենթարկուած՝ որոշ մշակումի։ Այս տողերը չենք արձանագրեր բեմական գործը քննարկելու կամ ըստ էութեան գնահատելու մօտեցումով, թէեւ անիկա արժանի է գնահատումի ու քննարկման, այլ մեր նպատակն է կանգ առնել քանի մը դրական երեւոյթի, իրականութեան վրայ, որոնք խոստումը կը բերեն մեր հորիզոնները լուսաւորելու։
Մանրամասնութիւնները կարդալ այստեղ:
