«Զուարթնոց»ը խմբային երգարուեստի գոհարներ հրամցուց հալէպահայութեան

Կի­րա­կի, 26 Մարտ եւ 2 Ապ­րիլ 2017-ին, հա­լէ­պա­հա­յու­թիւնը եզա­կի եր­կու հա­մերգ­նե­րու ընդ­մէ­ջէն երգ­չախմ­բա­յին ար­ուես­տի հա­րա­զա­տու­թիւնն ու դիւ­թա­կա­նու­թիւնը, վե­հու­թիւնն ու ազ­նուու­թիւնը, զօ­րու­թիւնն ու յու­զա­կա­նու­թիւնը վա­յե­լեց:

Հա­մազ­գա­յի­նի «Զուարթ­նոց» երգ­չա­խումբն էր այս բո­լո­րը առ­թո­ղը, Հա­յաս­տա­նով ու հա­յու­թեամբ հպարտ ըլ­լա­լու ամէ­նէն նուի­րա­կան զգա­ցում­նե­րը փո­խան­ցո­ղը:

«Զուարթ­նոց» երգ­չա­խում­բի յաղ­թա­կան ելոյթ­ներն էին, որոնց ըն­թաց­քին հն­չեց հայ եւ օտար երգն ու երաժշ­տու­թիւնը, շո­ղաց ար­ուես­տը եւ փայ­լա­տա­կեց հան­դի­սա­տե­սի սր­տին, մտ­քին ու հոգի­ին խո­րե­րը: «Զուարթ­նոց»ը յատ­կա­պէս հայ եր­գին ու երաժշ­տու­թեան մի­ջո­ցով հայ դիւ­ցա­զուն­նե­րու երկ­րին բոյրն ու հմայ­քը փո­խան­ցեց ներ­կա­նե­րուն եւ գե­րեց-տա­րաւ զա­նոնք հոն, ուր ծնունդ առած է հայ մե­ղե­դին, հայ գիրն ու բա­ռը:

Խմ­բա­վա­րու­թեամբ Գայ­ի­ա­նէ Սի­մոն­եան-Տէր­եա­նի, դաշ­նա­մու­րի ըն­կե­րակ­ցու­թեամբ Ռու­զան Պար­սում­եա­նի, «Զուարթ­նոց»ը իր եր­կօր­եայ ձեռ­նարկ­նե­րուն բարձ­րար­ուեստ ելոյթ­նե­րով հաս­տա­տեց, որ հա­յը, հա­կա­ռակ բո­լոր դժ­ուա­րու­թիւն­նե­րուն ու բա­զում մար­տահ­րա­ւէր­նե­րուն, գի­տէ ար­ժա­նա­վա­յել ապ­րիլ` պա­հե­լով լե­զուն ու մշա­կոյ­թը, այն, ի՛նչ որ գե­ղե­ցիկ է ու վե­հանձն, այն, ի՛նչ որ ուժ կու տայ ու զօ­րու­թիւն, ապ­րե­լու կամք ու պայ­քա­րը շա­րու­նա­կե­լու հզօ­րու­թիւն:

Հա­մերգ­նե­րուն ներ­կայ էին Բեր­իոյ Հա­յոց Թե­մի Բա­րե­ջան Առաջ­նորդ Գերշ. Տէր Շա­հան Սրբ. Արք. Սար­գիս­եան, Հայ Կա­թո­ղի­կէ Հա­մայն­քի ներ­կա­յա­ցու­ցիչ Տէր Կո­մի­տաս Քհնյ. Տա­տաղլ­եան, Հայ Աւե­տա­րա­նա­կան Հա­մայն­քի Հա­մայն­քա­պետ Վե­րա­պատ­ուե­լի Յա­րու­թիւն Սե­լիմ­եան, ՀՀ Հա­լէ­պի Գլ­խա­ւոր Հիւ­պա­տոս Տիգ­րան Գէ­որգ­եան, ազ­գա­յին, մշա­կու­թա­յին, բա­րե­սի­րա­կան միու­թիւն­նե­րու ներ­կա­յա­ցու­ցիչ­ներ:

Մանրամասնութիւնները կարդալ այստեղ: