Համազգայինի Կեդրոնական վարչութեան անդամ Յասմիկ Շահինեանի այցելութիւնը «Ազատ Օր»ի խմբագրատուն եւ Հ.Կ.Խաչի ազգային վարժարանները (Յունաստան)

Ուր­բաթ, 23 ­Սեպ­տեմ­բե­ր 2022-ին «Ա­զատ Օր»-ի խմբագ­րա­տուն այ­ցե­լեց ­Հա­մազ­գա­յի­նի ­Կեդ­րո­նա­կան վար­չու­թեան ան­դամ ­Յաս­միկ ­Շա­հի­նեան։ Ի­րեն կ­՚ըն­կե­րակ­ցէր ­Յու­նաս­տա­նի ­Հա­մազ­գա­յի­նի Շր­ջա­նա­յին վար­չու­թեան ա­տե­նա­պե­տու­հի ­Յու­լիա­նա ­Մա­նու­կեան։ Օգ­տուե­լով իր ­Յու­նաս­տան այ­ցե­լու­թե­նէն, թեր­թիս խմբագ­րու­թիւ­նը հե­տաքրք­րա­կան զրոյց մը ու­նե­ցաւ ըն­կե­րու­հիին հետ՝ ­Հա­մազ­գա­յի­նի կրթա­կան, մշա­կու­թա­յին եւ ե­րի­տա­սար­դա­կան ծրա­գիր­նե­րուն մա­սին։
Իր կե­ցու­թեան ա­ռի­թով, Յ. ­Շա­հի­նեան այ­ցե­լեց Հ.Կ.­Խա­չի ե­րեք ազ­գա­յին վար­ժա­րան­նե­րը եւ մօ­տէն ի­րա­զեկ դար­ձաւ կրթա­կան ծրա­գիր­նե­րուն ու հա­յե­րէ­նի դա­սա­ւան­դու­թեան։ ­Խօ­սե­լով այն մթնո­լոր­տին մա­սին, որուն ծա­նօ­թա­ցաւ մեր վար­ժա­րան­նե­րէն ներս, ան յայտ­նեց, թէ շատ հա­րա­զատ զգաց, նշմա­րե­լով, որ ե­ռան­դը չի պակ­սիր ու­սու­ցիչ­նե­րուն եւ ա­շա­կերտ­նե­րուն մօտ, իսկ յա­տուկ շեշտ դրաւ հա­յե­րէն լե­զո­ւի ու պատ­մու­թեան ար­դի դա­սա­գիր­քե­րու գոր­ծա­ծու­թեան վրայ։
Ան նաեւ կա­րե­ւո­րեց Եւ­րո­պա­յի մէջ գոր­ծող հայ­կա­կան վար­ժա­րան­նե­րուն մի­ջեւ յա­րա­բե­րա­կան կա­պեր ստեղ­ծե­լու հնա­րա­ւո­րու­թիւն­նե­րը։
Անդ­րա­դառ­նա­լով Ֆ­րան­սա­յի մէջ՝ ­Հա­մազ­գա­յի­նի ա­նու­նով գոր­ծող վար­ժա­րան­նե­րուն, Շա­հի­նեան ներ­կա­յա­ցուց ­Մար­սէյ­ի Ճե­մա­րա­նի պատ­կե­րը, որ իր ման­կա­պար­տէ­զով, նա­խակր­թա­րա­նի ու երկ­րոր­դա­կա­նի բա­ժին­նե­րով կը պա­հէ 385 ա­շա­կերտ­ներ։ ­Փա­րի­զի մէջ կը գոր­ծէ «­Հա­մազ­գա­յին-­Թարգման­չաց» վար­ժա­րա­նը 138 ա­շա­կերտ­նե­րով, որ նոյնպէս միջ­նա­կարգ բա­ժին ու­նե­նա­լու հնա­րա­ւո­րու­թիւ­նը ու­նի։

Մանրամասնութիւնները կարդալ այստեղ: