Համազգայինի «Սարդարապատ» եւ «Շուշի» պարախումբերու ելոյթը (Սուրիա)

Հո­վա­նա­ւո­րու­թեամբ Բեր­իոյ Հա­յոց Թե­մի Բա­րե­ջան Առաջ­նորդ Գերշ. Տ. Շա­հան Սրբ. Արք. Սար­գիս­եա­նի, կազ­մա­կեր­պու­թեամբ Հա­մազ­գա­յի­նի «Նի­կոլ Աղ­բալ­եան» Մաս­նա­ճիւ­ղին, Կի­րա­կի, 10 Յու­լիս 2016-ի երե­կոյ­եան ժա­մը 6:00-ին, «Գ. Եսայ­եան» սրա­հէն ներս տե­ղի ու­նե­ցաւ Հա­մազ­գա­յի­նի «Սար­դա­րա­պատ» եւ «Շու­շի» զոյգ պա­րա­խում­բե­րու տա­րե­կան ելոյ­թը, գե­ղար­ուես­տա­կան ղե­կա­վա­րու­թեամբ Վրէժ եւ Նա­նոր Թերզ­եան­նե­րու, ներ­կա­յու­թեամբ Առաջ­նորդ Սր­բա­զան Հօր, կա­թո­ղի­կէ եւ աւե­տա­րա­նա­կան հա­մայնք­նե­րու, Ազգ. Վար­չու­թեան, հա­լէ­պա­հայ մար­զա­կան, մշա­կու­թա­յին ու բա­րե­սի­րա­կան միու­թիւն­նե­րու ներ­կա­յա­ցու­ցիչ­նե­րուն:

Հան­դի­սու­թիւնը սկ­սաւ Հա­յաս­տա­նի եւ Սուր­ի­ա­կան հան­րա­պե­տու­թիւն­նե­րու զոյգ քայ­լերգ­նե­րով, ապա հան­դի­սա­կան­նե­րը մէկ վայրկ­եան յոտն­կայս յար­գե­ցին սուր­ի­ա­կան հայ­րե­նի­քի նա­հա­տակ­նե­րուն յի­շա­տա­կը, որ­մէ ետք արա­բե­րէն բաց­ման խօսք ար­տա­սա­նեց Լի­զա Մի­նաս­եան, շեշ­տե­լով պա­րար­ուես­տի կա­րե­ւո­րու­թիւնը մարդ­կա­յին կեան­քին մէջ ու ըսաւ. «Պա­րը ազ­գի մը փա­ռա­ւոր պատ­մու­թեան ար­տա­յայ­տու­թիւնն է, մարդ­կու­թեան ապ­րում­նե­րը ար­տա­յա­յտող առա­ջին մի­ջո­ցը: Պա­րը կ՛ազն­ուաց­նէ հո­գին եւ ու­րա­խու­թիւն կը ներշն­չէ, մա­նա­ւանդ երբ զայն կա­տա­րող­նե­րը եռան­դուն փոք­րեր են եւ ճկուն պա­տա­նի­ներ, որոնց պի­տի տես­նէք այ­սօր, այս բե­մին վրայ, «Սար­դար­ապատ» եւ «Շու­շի» պա­րա­խում­բե­րու ելոյթ­նե­րով»:

Հա­յե­րէն բաց­ման խօսք ար­տա­սա­նեց Մա­րի­նէ Մար­գար­եան, որ ըսաւ. «1967-ին ծնունդ առած Հա­մազ­գա­յի­նի Հա­լէ­պի եր­գի-պա­րի խում­բը այ­սօր ար­դէն իր յիս­նամ­եա­կի սե­մին է: Եր­կար տա­րի­նե­րու այս եր­թը բա­րե­բեր ար­գա­սիքն է հա­լէ­պա­հայ հա­ւա­տա­ւոր հա­յոր­դի­նե­րու ան­խոնջ աշ­խա­տան­քին: Պա­րա­խում­բը իր ու­ղե­ւո­րու­թեան ըն­թաց­քին նուա­ճած է զա­նա­զան բար­ձունք­ներ, շնոր­հիւ իր պա­րու­սոյց­նե­րուն, որոնց հե­տե­ւո­ղա­կան ջան­քե­րով «Սար­դա­րա­պատ»ը հա­սած է պատ­ուա­բեր դիր­քե­րու: 2003-ին տեղ­ւոյն վար­չա­կազ­մե­րը անհ­րա­ժեշ­տու­թիւն հա­մա­րած են հի­մը դնե­լու ման­կա­պա­տա­նե­կան  պա­րար­ուես­տի դպ­րո­ցի մը, ուս­տի Հա­լէ­պի ծո­ցէն ծնած է «Շու­շի» ման­կա­պա­տա­նե­կան պա­րա­խում­բը, որ կարճ ժա­մա­նա­կա­մի­ջո­ցի մը մէջ դար­ձած է շն­չող ներ­կա­յու­թիւն մշա­կու­թա­սէր հա­լէ­պա­հա­յու­թեան իրա­կա­նու­թեան մէջ եւ իր ներդ­րու­մը ու­նե­ցած մար­դու­ժի պատ­րաս­տութ­եան կեն­սա­կան գոր­ծըն­թա­ցին` երաշ­խա­ւո­րե­լով պա­րար­ուես­տի բնա­գա­ւա­ռէն ներս ուռ­ճա­ցող ապա­գայ սե­րուն­դի մը վառ պատ­կե­րը:

Այ­սօր «Սար­դա­րա­պատ»ի եւ «Շու­շի»ի մի­ա­տեղ ելոյ­թի օդա­նա­ւա­յին տոմ­սե­րով շր­ջա­գա­յու­թիւն մը պի­տի կա­տա­րենք աշ­խար­հի զա­նա­զան եր­կիր­ներ, ծա­նօ­թա­նա­լով անոնց մշա­կու­թա­յին գո­հար­նե­րուն, մեր առա­ջին ու վեր­ջին կան­գա­ռը ու­նե­նա­լով Սուր­ի­ան եւ յատ­կա­պէս Հա­լէ­պը, ամ­րագ­րե­լով հա­լէ­պա­հա­յութ­եան անն­կուն  կամքն ու գո­յա­տե­ւե­լու հաս­տա­տա­կա­մու­թիւնը»:

Մանրամասնութիւնները կարդալ այստեղ: