Համազգային հայ կրթական եւ մշակութային միութիւնն արդէն մէկ ամիս է, համագործակցելով Երեւանի գեղագիտութեան ազգային կենտրոնի հետ, իրականացնում է Արցախի մանուկների համար մշակութային ծրագիր։ Կենտրոնում Արցախի մանուկները յաճախում են արուեստի խմբակներ՝ նկարչութեան,երգի, թատերական, իսկ շաբաթը մէկ անգամ կազմակերպւում են հանդիպումներ մանկական հոգեբանի հետ։
Նոյեմբերին Համազգայինի Երեւանի գրասենեակի նախաձեռնութեամբ կազմակերպուեց այցելութիւն Յովհաննէս Թումանեանի թանգարան, որին մասնակցեցին Արցախի տարբեր շրջաններից դպրոցականներ։
Նոյն ամսում Համազգայինի Երեւանի գրասենեակի հետ համատեղ կազմակերպուեց փոքրիկների այցը տիկնիկային թատրոն։Ծրագրին մասնակցեցին Մարտակերտի ու Հադրութի շրջաններից քսան երեխաներ։
Դեկտեմբերին Համազգայինի Երեւանի գրասենեակի հետ համատեղ կազմակերպուեց Արցախի մի խումբ դպրոցականների այցելութիւն Սիլվա Կապուտիկեանի տուն-թանգարան։
Առաջիկայում Համազգայինի Երեւանի գրասենեակի հետ նախատեսւում է կազմակերպել դպրոցականների այցը Մարտիրոս Սարեանի թանգարան։
Դեկտեմբերին նախատեսւում է կազմակերպել ծրագրին մասնակից Արցախի երեխաների նկարած նկարների ցուցահանդէս։
