Միջին Արեւելք
Շրջանային Վարչութիւններ
Համազգայինի Գեղարուեստի դպրոցներու ամանորեայ ձեռնարկներու ծիրին մէջ, Երեքշաբթի, 7 Յունուար 2025-ին, երեկոյեան ժամը 6:00-ին «Յակոբ Տէր Մելքոնեան» թատերասրահին մէջ տեղի ունեցաւ Համազգայինի «Արեգ» թատերական դպրոցի բաց դասարանը` «Նամակներ» խորագիրով, ներկայութեամբ` Համազգայինի Կեդրոնական վարչութեան, Լիբանանի Շրջանային վարչութեան եւ Գեղարուեստի դպրոցներու խնամակալութեան եւ տնօրէնութեան ներկայացուցիչներու, տնօրէններու, ծնողներու եւ բարեկամներու:
Ներկայացումին հեղինակն ու բեմադրիչն է «Արեգ» թատերական դպրոցի բաժինի վարիչ Սիլվա Սողոմոնեան:
4 դասարաններու տարբեր տարիքի 36 աշակերտներ Կաղանդի եւ Կաղանդ պապային ու անկէ սպասումներու տարբեր պատկերներով հանդէս եկան` իւրաքանչիւրը իրեն յանձնուած դերը լաւագոյնս կատարելու ճիգով:
