Համազգայինի հայերէնի դասերուն վկայականներու բաշխում (Յունաստան)

Եւրոպա Շրջանային Վարչութիւններ

27 ­­Յու­նի­ս 2024-ի լուս­նեակ ե­րե­կո­յին, ա­մա­ռնա­յին ջերմ մթնո­լոր­տի մէջ, ­­Հա­մազ­գա­յի­նի Շր­ջա­նա­յին ­վար­չու­թեան կող­մէ տե­ղի ու­նե­ցաւ վկա­յա­կան­նե­րու բաշխ­ման ա­րա­րո­ղու­թիւ­նը` հա­յե­րէն լե­զո­ւի «4-րդ ­սե­րուն­դէն՝ 5-րդ» բնա­բա­նով ու­սուց­ման ծրա­գի­րին շրջա­նա­ւարտ­նե­րուն։
Եր­կա­մեայ տա­րեշր­ջան մը եւս հա­սաւ իր յա­ջող ա­ւար­տին։
Ծ­րա­գի­րը սկսած է գոր­ծել 2018-էն, զարկ տա­լով ա­րեւմ­տա­հա­յե­րէ­նի պահ­պան­ման, ո­րուն գո­յա­տե­ւու­մը լուրջ վտան­գի տակ է սփիւռ­քա­հայ օ­ճախ­նե­րու մէջ։
Այդ­պի­սի ձեռ­նար­կու­թիւն­ներ կար­ծես թէ վա­հա­նի դեր կը վա­րեն, յա­ռա­ջաց­նե­լով հա­յոց լե­զո­ւի զար­գա­ցումն ու ծա­ւա­լու­մը, դրսե­ւո­րե­լով հան­դերձ ­­Հա­մազ­գա­յի­նի կրթա­կան ու մշա­կու­թա­յին ա­ռա­քե­լու­թիւ­նը։
Ըն­կե­րա­կան ե­րե­կոյ­թին ներ­կայ էր ատե­նա­պե­տու­հի ­­Յու­լիա­նա ­­Մա­նու­կեան եւ Շր­ջա­նա­յին վար­չու­թեան ան­դամ­ներ։ ­­Հա­կիրճ խօս­քով հան­դէս ե­կաւ ­­Վեր­ժին ­­Կա­րա­պետեան, որ ան­վա­րան ու հո­գա­տար կեր­պով վա­րեց դա­սըն­թացք­նե­րը, նշե­լով ծրա­գի­րին կա­րե­ւո­րու­թիւ­նը եւ­ ող­ջու­նե­լով մաս­նա­կից­նե­րը` ­­Յա­ռա­ջա­ցած­նե­րու խում­բին սա­նե­րը, որոնք պար­տա­ճա­նա­չու­թեամբ հե­տե­ւե­ցան դա­սե­րուն։
­­Բա­ցօ­թեայ վայ­րին, աստ­ղա­յին բաց երկին­քին տակ, 6 նոր «աստ­ղեր» ստա­ցան ի­րենց ար­ժա­նա­վա­յել վկա­յա­կան­նե­րը։ Ջերմ շնորհաւորութիւններ բոլորին: