Հայ դասական երաժշտութեան բացառիկ ելոյթ (Յունաստան)

Յու­նաս­տա­նի ­Հա­մազ­գա­յի­նի Շր­ջա­նա­յին ­Վար­չու­թեան ա­ռա­ջար­կին ըն­դա­ռա­ջե­լով, Ա­թէն­քի քա­ղա­քա­պե­տա­րա­նի մշա­կու­թա­յին բա­ժան­մուն­քը կազ­մա­կեր­պեց հայ աշ­խար­հահռ­չակ դա­սա­կան յօ­րի­նող­նե­րու նո­ւի­րո­ւած հա­մեր­գա­յին ե­լոյթ մը։
­Շա­բաթ, 29 ­Մարտ 2025-ի ե­րե­կո­յեան, դա­սա­կան ե­րաժշ­տու­թեան սի­րա­հար­նե­րու ժա­մադ­րա­վայ­րը ե­ղաւ Ա­թէն­քի օ­փե­րա­յի քա­ղա­քա­պե­տա­կան «­Մա­րիա ­Քալ­լաս» շքեղ հա­մեր­գաս­րա­հը, ուր հնչե­ցին հայ եր­գի ու նո­ւա­գի յատ­կանշա­կան նմուշ­ներ եւ ո­գե­ւո­րե­ցին ներ­կայ բազ­մու­թիւ­նը։ ­Հայ ե­րաժշ­տու­թեան փա­ռա­տօն մըն էր կա­տա­րո­ւա­ծը, ո­րուն դե­րա­կա­տար­նե­րը՝ Ա­թէն­քի սիմ­ֆո­նիկ նո­ւա­գա­խում­բը, հա­յազ­գի ա­նո­ւա­նի ջու­թա­կա­հար Եան­նիս Եոր­ղիա­տիս եւ տա­ղան­դա­ւոր երգ­չու­հի ­Սի­րան ­Չա­լը­քեան ան­մա­հա­ցու­ցին հայ­կա­կան ե­րաժշ­տա­կան աշ­խար­հը եւ սրա­հի ա­մէն մէկ ան­կիւ­նը լե­ցու­ցին հայ­րե­նի հո­ղի քաղց­րահն­չիւն մե­ղե­դիով։
Ե­լոյ­թը կը վա­յե­լէր ներ­կա­յու­թիւ­նը ­Յու­նաս­տա­նի ­Հա­յոց թե­մա­կալ Ա­ռաջ­նոր­դին, Ազ­գա­յին վար­չու­թեան ան­դամ­նե­րուն, ­Հա­մազ­գա­յի­նի մշա­կու­թա­սէր շրջա­նա­կին, գա­ղու­թա­յին կա­ռոյց­նե­րու ներ­կա­յա­ցու­ցիչ­նե­րուն եւ յոյն ե­րա­ժիշտ մաս­նա­գէտ­նե­րու ու հա­սա­րա­կու­թեան, ո­րոնք բեր­նէ բե­րան լե­ցուն սրա­հին մէջ ջեր­մօ­րէն ծա­փա­հա­րե­ցին հայ մշա­կոյ­թի մա­տու­ցու­մը։
Մանրամասնութիւնները կարդալ այստեղ: