Համազգային հայ կրթական եւ մշակութային միութեան հովանաւորութեամբ լոյս է տեսել «Եղիշէ Չարենցի գրական-քաղաքական աղերսները» վերնագրով մենագրութիւնը` ՀՀ արուեստի վաստակաւոր գործիչ, բանասիրական գիտութիւնների դոկտոր, պրոֆեսոր Դաւիթ Գասպարեանի հեղինակութեամբ։
Գիրքը տպագրութեան է երաշխաւորել ՀՀ ԳԱԱ պատմութեան ինստիտուտի գիտական խորհուրդը։
Մենագրութիւնը նուիրուած է Չարենցի գրական-մշակութային, մարդկային, գաղափարական, կուսակցական յարաբերութիւններին իր ժամանակի հեղինակութիւնների հետ։ Այն բացայայտում է Չարենցի քաղաքացիական դիրքորոշումն ու առանձին գործիչների հետ նրա բազմակողմանի առնչութիւնները։