Երկուշաբթի, 28 Նոյեմբեր 2016-ին , Հայ մշակոյթի Տան մէջ ,Համազգային Փարիզի մասնաճիւղի կազմակերպութեամբ ներկայացուեցաւ հետաքրքրական գիրք մը՝ «Վայրեր և հայկական կրօնական կալուածներ օսմանեան Թուրքիոյ մէջ ,աւերուող ժառանգութիւն մը» :
Գիրքը կ՚ամփոփէ հետազօտութիւները չորս անձերու՝ Յարութիւն Խաչատուրեան, Փաթրիք և Լիւսի Ասլանեան և Ժան Միշել, որոնք աշխատած են երկար տարիներ իրենց անձնական միջոցներով ցանկագրելու հայկական կրօնական կալուածներ օսմանեան Թուրքիոյ մէջ: Անոնք օգտագործած են 1913 թուականի ցանկ մը, որ օսմանեան հրահանգով, Պոլսոյ Պատրիարքութիւնը պատրաստած է :
Այս ցանկէն պատճէն մը ուղարկուած է Էջմիածին և թարգմանուած է 1965-ին օսմաներէնէ հայերէնի, Արամ Սաֆրաստեանի կողմէ :
Գիրքի տպագրութիւնը ստանձնած է Երկիր և Մշակոյթ միութինը :
Յարութիւն Խաչատուրեան հետաքրքրական ձևով ներկայացուց գործը, ան բացատրեց թէ ի՛նչպէս թուրք պետութիւնը ոչնչացուցած է հայկական հետքերը արևմտեան շրջաներուն մէջ: Ներկաները ուղղեցին շատ մը հարցումներ, որոնց մեծ մասը կը վերաբերէր կորսուած ժառանգութեան հատուցման: