Ֆորում
Այսօր, հայրենիքի բնութիւնը մեզ կը կանչէր։ Ֆորումականները առաւօտեան այցելեցին Հայաստանի գեղատեսիլ վայրերէն մին՝ Ծաղկաձորը։ Բնութեան զուլալ օդը վայելելով ճոպանուղիին վրայ ու կանաչազարդ լեռները ճախրելով, Ֆորումականներու հոգիները յագեցան հայրեինքի բնութեան ջերմութեամբ։
Ապա անոնք այցելեցին «Տիրամայր Հայաստանի» Ճամբարը։ Ճամբարի փոքրիկներուն հետ ունեցան կիսօրեայ յայտագիր մը, որ կ՚ընդգրկէր ճաշ եւ մարզական ու երաժշտական զանազան խաղեր։ Իւրաքանչիւր երեխայի սէրն ու ժպիտը, իւրաքանչիւր Ֆորումականի սրտին ու հոգիին կը փարէր ։
Յետմիջօրէին, Ֆորումականները առիթը ունեցան սորվելու հայկական ազգագրական պարեր՝ «Areni Dance Studio»-էն ներս։ Մեր հայկական «Քոչարին» ու «Թամզարան» սորվելով, ֆորումականները աւելի մօտէն ծանօթացան հայկական պարարուեստին, որմէ ետք անոնք իրենց մասնակցութիւնը բերին «Ո՞վ է հայը» զրոյցին։ Զրուցավարն էր՝ պատմաբան Վարագ Գեթսեմանեան։
