Ֆորում
Ուրբաթ, 25 Յուլիսին, Համազգային Հայ Կրթական եւ Մշակութային Միութեան Ֆորումի մասնակիցները յարգանքով խոնարհեցան հայ զոհերու առջեւ, երբ այցելեցին Հայոց Ցեղասպանութեան թանգարան-հիմնարկ, Ծիծեռնակաբերդ եւ Եռաբլուր:
Կէսօրէն ետք ֆորումականները այցելեցին «Կրէնտ Սբորդ»ի մարզադաշտը եւ պասքէթպոլ խաղացին տեղական խումբի մը դէմ:
Երեկոյեան, խումբ մը ֆորումականներ ուղղուեցան դէպի Քասքատ եւ մասնակցեցան «Կարին» ազգագրական աւանդական երգի-պարի խումբին ժողովրդային հաւաքին: Անոնք սորվեցան հայկական աւանդական պարեր:
Աւելի ուշ, ֆորումականները վայելեցին երեւանի գիշերային կեանքը եւ երգ ու պարով ճոխացուցին երեկոն: